Kven får tittelen som landets beste forskningsformidlar? Dei ti beste stipendiatane i Noreg møtest i den nasjonale finalen i underhaldningsshowet Forskar Grand Prix. Publikum kan stemme under direktesendinga, og vi oppmodar alle til å heie fram Astrid og Edgar.
Astrid: Ta den medisinen din, da!
Fleire eldre bur heime lengre og kommunane pressast på pengar, personell og tid. Digitaliseringa hjelp noko – men løyser på langt nær alt.
Eg ser på korleis teater som metode kan hjelpe heimesjukepleiarar å sikre ein betre og tryggare medisinhandsaming. Målet mitt er å styrkje pleiarane som kvar dag gjev livsviktig informasjon til pasientane sine – og skape rom for nytenking der det verkeleg gjeld.
Edgar: Visuell støtte i geometriundervisning
Korleis ser elevar eigentleg ein tredimensjonal figur på papir eller skjerm? Mange strevar med å tolke 3D-bilete i lærebøker. Eg forskar på korleis visuell støtte kan styrkje elevane si romforståing og evne til å løyse oppgåver i geometri.
Meir om den nasjonale finalen:
Du kan lese meir om Astrid, Edgar og dei åtte andre finalistane i Khrono. Forskar Grand Prix er i regi av Noregs forskingsråd, og det er Solveig Kloppen som er konferansier i finalen i Oslo.